Category: News

የአዲስ አበባ ከተማ ደንብ ማስከበር ባለ ስልጣን “የተቋሙን ስኬቶች ለማስቀጠል የህብረተሰቡ ድርሻ የላቀ ነው በሚል መሪ ቃል” ከተማ አቀፍ የህዝብ ንቅናቄ አድርጓል።

በንቅናቄ መርሀ ግብሩም የአዲስ አበባ ደንብ ማስከበር ባለስልጣን ዋና ስራ አስኪያጅ ሻለቃ ዘሪሁን ተፈራ፣ የባለ ስልጣኑ ምክትል ስራ አስኪያጅ አቶ ንጋቱ ዳኛቸውና አቶ ከፍ ያለው ታደሰ እንዲሁም የ11ዱም ክፍለ ከተማ ደንብ ማስከበር ጽ/ቤት ኃላፊዎች እና ሌሎች ጥሪ የተደረገላቸው እንግዶች ተገኝተዋል።

በተደረገው የህዝብ ንቅናቄ መድረክም የ2018 ዓ/ም የስራ አፈጻጽም ሪፖርት ቀርቧል። የአዲስ አበባ ደንብ ማስከበር ባለ ስልጣን ዋና ስራ አስኪያጅ ሻለቃ ዘሪሁን ተፈራ እንደተናገሩት በ2018 ዓ/ም በጀት ዓመት የስራ አፈጻጽም በከተማዋ የሚስተዋሉ 9ኙ የደንብ ጥሰቶቾን አስቀድሞ ከመከላከል ጀምሮ እርምጃ በመውሰድ ከሚመለከታቸው ባለድርሻ አካላት ጋር በመቀናጀት 81.3 % መቀነሳቸውን ገልጸዋል።

ተቀናጅተው ከሚሰሯቸው ባለ ድርሻ አካላት መካከል የአዲስ አበባ ፖሊስ ዋና ጠቅላይ መምሪያ መሆኑን ጠቁመው በከተማዋ የሚስተዋሉ የደንብ ጥሰቶችን ለመከላከል በሚያከናውኗቸው ተግባራት ፖሊስ የአንበሳውን ድርሻ የሚወስድ እና የተገኘው ውጤት የአዲስ አበባ ፖሊስ ዋና ጠቅላይመምሪያ ጭምር መሆኑን ገልጸዋል።

የውይይቱ ተሳታፊዎችም በበኩላቸው በከተማዋ የሚስተዋሉ የደንብ ጥሰቶችን አስቀድሞ ከመከላከል ጀምሮ ጥቆማ በመስጠት የበኩላቸውን ድርሻ እንደሚወጡ ገልጸዋል።

የነብዩ ሙሃመድ (ሰ,ዐ,ወ,) የልደት በዓል (መውሊድ) በአንዋር መስጂድ እየተከበረ ይገኛል።

1 ሺህ 501ኛው የመውሊድ በዓል “የፍትሑ ነብይ” በሚል መሪ ቃል እየተከበረ ነው።

በአንዋር መስጂድ በሚከበረው የመውሊድ በዓል ላይ የአዲስ አበባ ከፍተኛ ምክር ቤት አመራሮችን ጨምሮ የተለያዩ ሀገራት አምባሳደሮችና የከተማዋ ነዋሪዎች ታድመዋል።

በ – አክረም ኑርያ

13ኛው የምስራቅ አፍሪካ የጤና ክብካቤ ፌዴሬሽን ጉባኤ እና ዓለም አቀፍ ኤግዚቢሽን በአዲስ አበባ አድዋ ድል መታሰቢያ ሙዚየም የሚካሄድ ይሆናል።

​“የማይበገር የጤና ሥርዓትን መገንባት ለምስራቅ አፍሪካ” በሚል መሪ ቃል ከነሐሴ 15 እስከ 17 ቀን 2018 ዓ.ም በሚካሄደው በዚህ ጉባኤ ላይ ከ20 በላይ አባል ሀገራት የተወጣጡ ከ2 ሺህ በላይ አመራሮች፣ ፖሊሲ አውጪዎች፣ ተመራማሪዎች፣ ኢንቨስተሮችና ፋይናንሰሮች ይሳተፋሉ ተብሎ ይጠበቃል።

​በጉባኤው ዝግጅት ዙሪያ ማብራሪያ የሰጡት የጤና ሚኒስትር ዴኤታ ፍሬሕይወት አበበ፤ የምስራቅ አፍሪካ ቀጠና ከ580 ሚሊዮን በላይ ህዝብ የሚኖርበት ቢሆንም፡ከ70 በመቶ በላይ መድኃኒት እና

​እስከ 99 በመቶ የሚደርሱ ክትባቶችን ከውጭ ሀገር እንደሚያስገባ ገልጸዋል።

​በተጨማሪም በቀጠናው በየዓመቱ ከ1 ቢሊዮን የአሜሪካ ዶላር በላይ ለህክምና ቱሪዝም ወጪ እንደሚደረግ ጠቁመው፣ ይህም ጠንካራ የሀገር ውስጥና የቀጠና የጤና ሥርዓት መገንባት እንደሚያስፈልግ ማሳያ ነው ብለዋል።

​እንደ ሚኒስትር ዴኤታዋ ገለጻ፣ ጉባኤው የሕክምና አገልግሎት ጥራትን ማረጋገጥ፣ የሜዲካል ቱሪዝምን ማስፋፋት እና የሀገር ውስጥ የሕክምና ግብዓቶች ምርትን ማሳደግ ዋና ዓላማዎቹ አድርጎ የተነሳ ነው።

​በተጨማሪም የመንግሥትና የግል ዘርፍ አጋርነትን በማጠናከር ዘላቂ የጤና ፋይናንሲንግ ሥርዓት መገንባት እንዲሁም ቀጠናዊ ትስስርን በማጠናከር ዘርፉን ከአፍሪካ ነፃ ንግድ ቀጠና ስምምነት ጋር ማጣመር የጉባኤው ትኩረት እንደሚሆን አስረድተዋል።

ጉባኤው በኢትዮጵያ መደረጉ ኢትዮጵያ የሜዲካል ቱሪዝም ማዕክል ለመሆን ለምትስራው ሥራ አጋዥ ነው ብለዋል።

የምስራቅ አፍሪካ የጤና ክብካቤ ፌዴሬሽን ፕሬዝዳንት ዶ/ር ማርቆስ ፈለቀ በኮንፈረንሱ ወቅት በርካታ የሁለትዮሽ ስምምነቶች የሚፈረሙ ሲሆን፣ ከጉባኤው ጎን ለጎን ለሶስት ቀናት የሚቆይ ነፃ የኤግዚቢሽን መርሃ ግብር ለጎብኚዎች ክፍት ሆኖ እንደሚቆይ ገልፀዋል።

የዘርፉ ባለድርሻ አካላትና ኢንቨስተሮች በጉባኤው ላይ እንዲሳተፉ ጥሪ ቀርቧል።

በ-ናሆም ዮሐንስ

የኢትዮጵያ ሀገራዊ ምክክር ጉባኤ የመዝጊያ ሥነ-ሥርዓት ፕሬዚዳንት ታየ አጽቀ ሥላሴ፣ የሕዝብ ተወካዮች ምክር ቤት አፈ ጉባኤ አቶ ታገሰ ጫፎ፣ የፌዴሬሽን ምክር ቤት አፈ ጉባኤ አቶ አገኘሁ ተሻገር፣ የፌዴራል ጠቅላይ ፍርድ ቤት ፕሬዚዳንት ቴዎድሮስ ምሕረት፣ ምክትል ጠቅላይ ሚኒስትር ተመስገን ጥሩነህ፣ በምክትል ጠቅላይ ሚኒስትር ማዕረግ የዴሞክራሲ ሥርዓት ግንባታ ማስተባበሪያ ማዕከል ኃላፊ እና የብልፅግና ፓርቲ ምክትል ፕሬዚዳንት አቶ አደም ፋራህ፣ የቀድሞ የኢፌዴሪ ፕሬዚዳንት ዶክተር ሙላቱ ተሾመን ጨምሮ ከፍተኛ የመንግሥት የሥራ ኃላፊዎች በተገኙበት ተጀምሯል።

የቀድሞው የኬንያ ፕሬዚዳንት ኡሁሩ ኬንያታ፣ የቀድሞ የናይጄሪያ ፕሬዚዳንት ኦሊሴጉን ኦባሳንጆ፣ የኢጋድ ዋና ጸሐፊ ወርቅነህ ገበየሁ (ዶ/ር) በክብር እንግድነት በሥነ-ሥርዓቱ ላይ የተገኙ ሲሆን፣ የሀገራዊ ምክክር ኮሚሽን ዋና ኮሚሽነር ፕሮፌሰር መስፍን አርአያም ተገኝተዋል።